Amerika Serikat begian selatan

• Berengkah ari 13 Februari 2021, ribut seleju balat nyadi ba Amerika Serikat muak ke selatan. Nengeri Texas nya ke pemadu balat ditinggang. Ketegal mayuh ais enggau seleju, sereta sugu chelap baka ke nadai kala diasai ba menua nya, mayuh rumah enggau endur bisnes nadai karan dalam beberapa hari. Tu ngujungka ai dalam paip nyadi ais, lalu bisi mayuh paip pechah sereta mai mayuh agi pengerusak

• 11 iku penginjil bakal lalu patut berubat ba sepital

• 94 iku penginjil bakal mimit

• 7,650 iku penginjil dipindahka ari rumah sida

• 14 buah Palan Gempuru enggau sebuah Palan Gempuru Besai rusak mimit

• 5 buah Palan Gempuru balat rusak

• 3,224 buah rumah rusak mimit

• 113 buah rumah balat rusak

• 12 buah rumah abis rusak

• Ba endur nya udah dulu bisi Komiti Tulung Pengerusak Alam ditumbuhka kena meri bantu ngagai menyadi ke napi penusah ketegal penyakit berampit COVID-19. Bala tuai ti ngabas enggau bala tuai gempuru bekerejasama enggau menyadi ba komiti nya ngambika nyediaka utai ke diguna ngagai bala menyadi ke ditinggang penusah tu. Bantu ke diberi nya nyengkaum nyediaka ai irup ti beresi, sereta pengawa nyeruri ti patut diperumban ba rumah menyadi tauka Palan Gempuru. Sida pan meri atur ngambika bala menyadi ke dipindah ari rumah sida ulih diau ba rumah menyadi bukai dalam siti timpuh. Sida pan patut bejalaika semua pengawa tu sejalai enggau atur pengelikun, laban penyakit COVID-19 agi berampit ba endur nya

Kitai beterima kasih ngagai Jehovah, ti merindang ati sida ke ditinggang pengerusak alam enggau ribut balat baka tu.—2 Korint 1:3.