Sepemanjai minggu 16 September 2019, Ribut Taufan Imelda nyadi ba Texas tenggara. Ribut Imelda tu mega ngujungka ujan bangat ba Texas tenggara. Nya kebuah dalam beberapa hari aja, ujan nya ngasuh peninggi ai niki nggaau 102 cm. Tu pengerusak alam enggau peninggi ai ti pemadu balat ke kala nyadi ba Amerika Serikat. Ketegal ribut tu, beratus iti perengka pengangkut ditinggalka pia aja ba tisi jalai. Mayuh orang mega dipindahka ngagai endur ti likun agi.

Nitihka riput keterubah ari pampang opis Amerika Serikat, bisi ari 29,649 bala menyadi kitai ke diau ba endur nya, nadai seiku pan ari sida bebadi tauka bakal. Tang, bisi 114 iku penginjil patut dipindahka ngagai endur ti likun. Kelimpah ari nya, bisi 145 buah rumah menyadi kitai, sereta 10 buah Palan Gempuru rusak.

Pampang opis udah ngatur Komiti Tulung Pengerusak Alam meri bantu ke diguna. Komiti tu bekerejasama enggau tuai ti ngabas sereta bala tuai gempuru ba menua nya, ngemataka sebarang tulung ti diguna menyadi kitai. Kitai amat andal, Jehovah deka nulung bala menyadi kitai, laban ‘pengerindu Iya ti meruan belama iya endang tinggi agi ari langit.’—Masmur 36:5.