Tenggara Amerika Serikat

• Kena 28 Oktober 2020, Ribut Zeta, ke dikumbai kategori 2, mansang ngagai Louisiana enggau jampat. Lebuh ribut nya sangkai, iya lalu kurang balat agi, lalu nunga ke nengeri bukai ba begian tenggara Amerika Serikat

• Nengeri ba pesisir dipangka ai tasik ke dikeninggi ketegal ribut nya. Pia mega, angin ti kuat pan mai pengerusak ngagai bengunan sereta ngujungka karan putus ba mayuh endur

• 324 iku penginjil udah dipindahka ari rumah sida

• Seiku penginjil bakal mimit

• 291 buah rumah enggau 14 buah Palan Gempuru dirusak mimit

• 8 buah rumah enggau 3 buah Palan Gempuru balat rusak

• Sebuah rumah menyadi kitai rusak abis

• Bala tuai gempuru ari endur nya enggau bala tuai ti ngabas benung meri peransang sereta utai ke diguna ngagai menyadi kitai ke ditinggang penusah tu. Beberapa Komiti Tulung Pengerusak Alam ke udah ditumbuhka kena meri bantu ngagai menyadi ke ditinggang penusah laban COVID-19 enggau Kabut Laura empai lama ti udah, udah nambahka pengawa sida diatu, meri bantu ngagai sida ke kena laban Ribut Zeta. Ba maya ti sama, semua menyadi ke meri bantu pan bejimat nitihka sekat kena nagang pengelekai COVID-19.

Kitai sinu ati ninga pasal empas ti enda manah ngagai bala menyadi kitai ketegal ribut tu. Tang sekali agi, lebuh bala menyadi betulung pangan diri, tu nyadika bukti pengerindu enggau penetap ati Jehovah ngagai nembiak Iya.—Masmur 89:1.