Haribulan: 16-18 Ogos 2019

Endur: Stadium The Dome ba Amerika Tengah di St. Louis, Missouri, Amerika Serikat

Bansa Jaku ke Disediaka: English, Croatian

Penyampau Orang ke Datai: 28,122

Penyampau Orang ke Dibaptisa: 224

Penyampau Bala Menyadi ari Menua Bukai: 5,000

Menua ke Dikelaluka Datai: Argentina, Australasia, Britain, Kanada, Eropah Tengah, Kolombia, Croatia, Czech-Slovak, Finland, Perancis, Jepun, Pilipina, Poland, Portugal, Scandinavia, Serbia, Afrika Selatan

Peneleba ti Manah: Martin Gulley, manager begian komunikasi ba Metrolink madahka, “Bisi orang madahka diri rinduka seseiku orang tauka sesiti utai. Tang enti nya enda dikereja enggau pengawa, nya ukai pengerindu. Tang kita ngayanka pengerindu nengah pengawa. Kita baruh ati, lalu pengerindu endang amat baruh ati, ukai sumbung. Orang nemu aku tuke Metrolink ketegal aku ngena tanda nama tu. Tang orang nemu kita Saksi Jehovah ketegal pengerindu kita.”

Jerry Vallely, manager begian komunikasi ba Bi-State Development, ke ngemansangka ekonomi ba St. Louis madahka, “Kita enda semina berunding, asal tembu aja. Tang, kita amat-amat ibuhka orang bukai, bala kaban kita ke datai, orang bukai ke bekerejasama enggau kita, nyentukka kami ke gawa ba Metrolink. Kita berundingka semua utai enggau silik, sereta enggau naka ulih ngasuh semua orang ke bekerejasama enggau kitai berasai gaga.”