Kenyau ari 4 Julai 2019, udah beberapa iti tanah berenyang ti besai nyadi ba Mojave Desert begian California Selatan. Siti ari tanah berenyang ke nyadi nya enggau pemalat 7.1 magnitut, lalu nya dikumbai tanah berenyang ke pemadu besai dalam 20 taun ke penudi tu.

Tanah berenyang tu nyadi ba endur ke semak Ridgecrest, lalu bisi 215 iku penginjil diau ba endur nya. Kitai amat beterima kasih laban nadai seiku pan bala menyadi kitai bakal ketegal penusah tu. Taja pia, bisi tiga iku penginjil telih mimit, lalu nitihka riput keterubah, bisi tujuh iku penginjil patut dipindahka ngagai endur ti likun ketegal rumah sida balat rusak. 35 iku da agi ke bukai bisi telih mimit. Nambahka nya, bisi dua iti Palan Gempuru rusak mimit ketegal penusah nya.

Dua iku tuai ti ngabas ngatur pengawa kena nulung bala menyadi ke kena penusah nya. Tuai ti ngabas sereta tuai gempuru ba menua nya mega datai meransang bala menyadi ke dituntung penusah tu.

Kitai sama besampi ngambi Jehovah ulih terus meri penemu ngagai semua bala menyadi kitai, ngambi sida ulih napi pengerusak alam ke baka tu.—Jaku Dalam 2:6-8.