17 JUN 2002—Ba kes Watchtower Bible and Tract Society of New York, Inc. v. Village of Stratton Kot Besai Amerika Serikat ngetanka pemutus ke kala digaga kena 1940-an ke ngelindung pengawa nginjil Saksi-Saksi Jehovah nitihka undang-undang

OGOS 1998—Penyampau Saksi-Saksi Jehovah ba Amerika Serikat udah lebih ari sejuta iku

15 APRIL 1992—Ba kes Pater v. Pater, Kot Besai Ohio setuju enggau pemutus ari kot tinggi sebedau tu ke madah, kot nadai hak ngaga pemutus nagang apai tauka indai ari ngibun anak diri bepelasarka pengarap sida

30 OKTOBER 1985—Ba kes In re Brown Kot Besai Mississippi mutuska tiap iku orang bisi hak milih chara berubat ti enda ngena darah ketegal iya bisi hak atas diri empu sereta bibas milih pengarap

31 OGOS 1972—Ba kes In re Osborne Kot Apil ba District of Columbia mutuska perintah nengeri patut bebasaka pemutus orang ke chukup umur bekaul enggau darah seagi-agi iya meretika pemutus ke digaga iya

30 NOVEMBER 1953—Ba kes Dickinson v. Amerika Serikat Kot Besai Amerika Serikat mutuska Saksi Jehovah ke gawa penuh jam ba pengarap enda ibuh datai lebuh dikangau nyadi soldadu taja pan iya mega bisi kereja sekular

1944—Saksi-Saksi Jehovah kurang agi diperinsa

14 JUN 1943—Ba kes West Virginia State Board of Education v. Barnette Kot Besai Amerika Serikat nginsil pemutus ari kes Gobitis lalu mutuska, pengawa mejal nembiak ke Saksi nabi bendira tauka ngangkat sumpah nya ngelanggar hak sida ke bibas bejaku sereta milih agama

3 MEI 1943—Ba kes Murdock v. Pennsylvania Kot Besai Amerika Serikat nginsil atur ti lama ke ngasuh Saksi-Saksi Jehovah meli lesen kena nyadung litaricha pasal agama

3 JUN 1940—Ba kes Minersville School District v. Gobitis Kot Besai Amerika Serikat ngetanka undang-undang pasal semua bala nembiak patut nabi bendira ba sekula kerajaan; pengudah nya orang berengkah balat nyakal Saksi-Saksi Jehovah

20 MEI 1940—Kena kali keterubah, Kot Besai Amerika Serikat mutuska piak ti bekuasa ba tiap iti nengeri enggau daerah mesti bebasaka undang-undang ke dikumbai First Amendment pasal hak orang megai pengarap diri empu. Kelimpah ari nya, dalam kes Cantwell v. Connecticut Kot mutuska pengawa nginjil Saksi-Saksi Jehovah enda ngachau orang bukai

28 MAC 1938—Ba kes Lovell v. City of Griffin Kot Besai Amerika Serikat nginsil atur ti lama ke ngasuh Saksi-Saksi Jehovah bulih permit sebedau sida ulih nyadung litaricha

26 JULAI 1931—Bible Students ngambi nama baru, iya nya Saksi-Saksi Jehovah

14 MEI 1919—Ukum ngagai bala ketuai Watch Tower Bible and Tract Society of Pennsylvania diubah, lalu udah nya semua rikut jenayah sida dibuai

20 JUN 1918—Bala ketuai ari gerempung Watch Tower Bible and Tract Society of Pennsylvania dikumbai besalah lalu dijil laban piak ti bekuasa ngumbai litaricha ke dikeluarka sida ngelaban pengawa beperang

4 MAC 1909—Gerempung Peoples Pulpit Association (ke udah nya dikumbai Watchtower Bible and Tract Society of New York, Inc.) direjista enggau sah

31 JANUARI 1909—Indu opis Bible Students pindah ngagai Brooklyn, New York

15 DISEMBER 1884—Gerempung (ke udah nya dikumbai Watch Tower Bible and Tract Society of Pennsylvania) direjista enggau sah

1880-AN—Bible Students numbuhka indu opis ba Allegheny, Pennsylvania

JULAI 1879—Isu ti keterubah majalah ke dikumbai Menara Jaga kemayaharitu, dikeluarka

1870—Charles Taze Russell enggau bala kaban iya numbuhka siti raban belajarka Bup Kudus ba Allegheny, Pennsylvania, lalu sida dikumbai Nembiak Bup Kudus (Bible Students)