Kena 30 November 2018, tanah berenyang enggau pemalat 7.0 magnitut mangka endur ke semak Anchorage, Alaska. Nitihka riput berita, taja pan nadai nyawa bebadi, tang tanah berenyang tu ngujungka mayuh jalai alun rusak lalu enda ulih ditengah.

Pampang opis ba Amerika Serikat madahka, bisi tujuh iku menyadi lelaki kitai pedis mimit. Kelimpah ari nya, bisi 16 iti rumah menyadi enggau 2 iti Palan Gempuru mega rusak. Bala tuai ti ngabas meri atur ngagai eklisia ke ba endur nya, ngambika ulih nyediaka pemakai, gari ke dikena, ai, sereta endur diau ke enda lama ngagai mansa. Bala tuai gempuru ke ba endur nya empu mega nyediaka bantu ti ulih meransang sida ba pengarap.

Kitai deka terus besampika bala menyadi kitai ke benung napi penusah tu. Kitai amat andal, Jehovah tentu nyadika pengering sereta kuta ke nembiak Iya ke terus tetap ati ngagai Iya.—Masmur 28:8, 9.