Kena 13 Disembar 2019, ba konvensyen entarabansa Buenos Aires Argentina, Saksi-Saksi Jehovah madahka, Bup Kudus Salin Dunya Baru udah penuh dalam bansa jaku Bengal Bisu Argentina. Tu meh keterubah iya, Bup Kudus Salin Dunya Baru dikeluarka dalam bansa jaku Bengal Bisu Argentina.

Projek tu udah berengkah kena 3 Disember 2014. Bup keterubah ke disalin nya, bup Matthew. Baka litaricha bansa jaku bengal bisu ke bukai, bup tu mega bisi video. Nya alai, tiap kali siti bup dalam Bup Kudus abis salin, terus ulih meda video nya ba aplikasi JW Library Sign Language.

Nitihka siti riput, nyauka 400,000 iku orang ke ngena bansa jaku Bengal Bisu Argentina. Ba din, dalam urung 2,700 iku penginjil ke ngena bansa jaku Bengal Bisu Argentina, lalu 470 iku ari sida nya endang sigi orang ke bengal bisu. Seiku menyadi indu kitai ke bengal bisu, iya nya Menyadi Laura Losada madahka, “Aku amat gaga laban Jehovah nulung aku enggau pengasih. Suba, sebedau Bup Kudus tu bisi, aku bebendar macha salin Bup Kudus sepanyol. Tang aku enda nemu reti iya. Diatu, aku udah bisi salin Bup Kudus ke baru tu. Isi iya amat terang. Diatu aku ngasaika diri semak agi enggau Jehovah.”

Semua menyadi ke ngena bansa jaku Bengal Bisu Argentina, amat beterima kasih ngagai Jehovah ketegal salin tu. Salin ke baru tu senang agi, lalu tentu nulung sida semak agi ngagai Jehovah. Kitai amat andal, tu ulih meri penguntung ngagai penginjil ke deka nulung sida ke bengal bisu ba Argentina, ngambi ulih nyadi pangan Petara.—Kereja Rasul 13:48.