29 APRIL 2019
ARGENTINA
Nirika Pampang Opis ti Baru ba Argentina
Kena Ogos 2018, pengawa nirika pampang opis ti baru berengkah ba Buenos Aires, Argentina. Bengunan tu bisi opis ke 136 iku pekereja enggau endur diau ke ngembuan 98 iti bilik. Ke diatu, enda baka pampang opis ke suba ti udah dibagi ngagai beberapa iti begian ke bebida. Tang, pampang opis ke baru deka nyengulaika semua pengawa ba siti bengunan, ngambi ngenyenangka pengawa dipejalaika. Peda meh gambar ba baruh ke nunjukka keterubah projek tu dipejalaika.
Pemesai bengunan tu dalam urung 8,524 meter persegi. Endur tu ba luar nengeri Buenos Aires, indu menua Argentina.
Ogos 2018: Tim ke ngaga pelan, bisi sepuluh iku bala menyadi ke gawa pengelama 18 bulan kena nembuka pelan projek tu.
September 2018: Pengawa ngelubang benung dikereja kena ngaga lubang ke endur nirika tiang. Ketegal gaya tanah, bisi 103 iti tiang ditanam enggau penalam 38 meter ngambika gaya bengunan tegap agi.
November 2018: Crane peninggi 33 meter dikena ba projek tu.
November 2018: Pengelikun maya gawa patut dikemeratka sepemanjai ngena crane ba projek tu.
Januari 2019: Mesin ti berat dikena ngelubang endur ke deka ngaga lif.
Mac 2019: Pugu bengunan ditegutka agi ngena besi dawai sebedau nanjah semen.
Nuan Engka Rindu Meda Tu
BERITA TI PEMADU BARU