Utan angus ke nyadi ba New South Wales enggau Queensland Australia, udah nganguska lebih ari sejuta ikar endur. Ketegal tu, sepasang laki bini Saksi nadai endur diau. Taja pia, nadai seiku ari bala menyadi kitai bakal tauka bebadi ketegal penusah tu. Indah Palan Gempuru tauka Palan Gempuru Besai mega selamat ari penusah tu.

Nitih ku piak bekuasa ba menua nya, beberapa iti penusah angus ke nyadi tu bepun ari pengawa ti sengaja. Kenyau ari bulan September, penusah angus nya udah nabanka enam iku nyawa, lalu nganchurka abis nadai 650 buah rumah.

Dalam urung 200 iku bala Saksi patut dipindahka, tang diatu sida udah ulih pulai baru ngagai rumah sida. Sepasang laki bini ke lenyau rumah sida nya tadi, diatu dijaga bala Saksi ke bukai. Tuai gempuru meransang bala menyadi ke nyadi mansa penusah tu, ngambika sida ulih mengkang kering ba pengarap.—Kereja Rasul 20:28.