Kena 24 Oktober 2021, Menyadi Douglas Little, seiku ari Komiti Pampang Opis Bolivia ngeluarka Bup Kudus Salin Dunya Baru ba bansa jaku Quechua (Bolivia). Bup Kudus nya dikeluarka dalam fail bansa digital nengah program ke dirikut dulu lalu dipandangka ngagai lebih ari 4,000 iku orang ba Bolivia. Kami nyangka bala menyadi deka nerima salin ke dichelak ba April 2022.

Bansa jaku Quechua (Bolivia) bisi sekeda leka jaku ti sama tang mai reti ti bebida ba sekeda endur. Kena mutarka penanggul tu, Bup Kudus Salin Dunya Baru ngembuan mayuh nota kaki kena nerangka sekeda leka jaku ke enda sama reti ba sekeda endur.

Bup Kudus dalam bansa jaku Quechua (Bolivia) udah bisi kenyau ari 1880. Taja pia, sekeda salin semina nepuka nama Petara, Jehovah, ba nota kaki, tauka diganti enggau gelar “Apai ti Petara.” Seiku penyalin madahka: “Aku amat gaga ati laban bisi Bup Kudus ti baru ti ngundan nama Petara.”

Lebuh projek tu dipejalaika, bala penyalin napi mayuh penanggul, baka nyaga diri sebilik ke kena sakit. Kelimpah ari nya, ketegal pandemik COVID-19, bisi sekeda penanggul ti bukai ke ngasuh projek tu tusah deka dipejalaika. Seiku penyalin madahka: “Projek tu ulih tembu sereta dikeluarka tumu agi ari ke disadang, semina bisi tulung ari Jehovah.”

Arapka Bup Kudus Salin Dunya Baru dalam bansa jaku Quechua (Bolivia) deka nulung mayuh orang ke ngena bansa jaku tu ngambika “diselamatka, lalu nemu penemu pasal pemendar.”—1 Timoti 2:4.