28 DISEMBER 2020
BRAZIL
Santa Catarina, Brasil, Ditinggang Ai Bah enggau Tanah Tusur
Endur
Begian Vale do Itajaí ba Santa Catarina di Brasil selatan
Penusah
Berengkah ari Hari Empat, 17 Disember 2020, ujan lebat ngujungka ampuh bah enggau tanah tusur nyadi
Empas ngagai bala menyadi
22 iku menyadi ngerarika diri ari rumah
Sayau amat, seiku menyadi indu kitai ke beumur 65 taun lenyau nyawa lebuh rumah iya ditabanka tanah tusur
Bengunan ke rusak
15 buah rumah menyadi dirusak mimit
Pengawa meri bantu
Raban menyadi ari Komiti Tulung Pengerusak Alam (DRC), Tuai ti Ngabas enggau bala tuai gempuru ngusung lalu meri sukung sereta jaku peransang ngagai menyadi kitai ke ditinggang penusah tu, nyengkaum sida ke sebilik enggau menyadi indu kitai ke udah nadai
Menyadi ari DRC nya udah ngatur seraban menyadi ari endur nya meratika nama bantu ke diguna bala menyadi ba dia, sereta nulung meresi rumah ke udah kena ampuh ai. DRC nya mega udah nganjung 2,000 liter ai irup enggau pemakai ngagai bala penginjil dia. Semua pengawa meri bantu tu dipejalaika nitihka sekat ke bekaul enggau penyakit COVID-19
Kitai amat sinu ati laban seiku ari menyadi indu kitai udah nadai ketegal penusah tu. Kitai semua enda sabar nganti maya ila, pengerusak alam enggau pemati deka “nadai agi.”—Pemandang 21:4.
Nuan Engka Rindu Meda Tu
UTAI KE SUAH DITANYA
Kati Saksi-Saksi Jehovah Meri Tulung Maya Penusah Ngenyit Nyadi?
Pelajarka chara kami meri tulung ngagai sida ke sepengarap enggau sida ke bukai maya penusah ngenyit nyadi.