Entara 24 ngagai 26 Disember 2021, ujan ti lebat nyadi ba Nengeri Bahia, Brasil lalu meri empas ngagai 640,000 iku orang. Ai tinggi ngujungka tekat ai pechah lalu ngampuhka beberapa buah nengeri sereta mempang jalai ngagai endur nya.

• Nadai seiku pan menyadi kitai bakal

• 273 iku penginjil dipindahka ari rumah sida

• 109 buah rumah rusak mimit

• 3 buah Palan Gempuru rusak mimit

• Siti Komiti Tulung Bencana Alam (DRC) ditumbuhka kena nyediaka ai irup, pemakai enggau gari ngagai menyadi ke begunaka tulung

• Bala penginjil ke udah dipindahka ari rumah sida diau sementara enggau bala kaban belayan tauka menyadi Kristian ke bukai

• Semua bala menyadi ke enggau pengawa meri bantu ngasika iring kena nyeliahka COVID-19

Menyadi Marcelo Ambrósio, ke gawa ba DRC madahka: “Lebuh kami meda pengerindu ke diayanka bala menyadi ngagai pangan diri, kami berasai diperansang sereta keran agi deka nyembah Jehovah enggau pengabis ati.”

Kitai nemu Jehovah deka nyadi “kuta” alai bala menyadi kitai ke ditinggang penusah tu ulih belindung.—Masmur 9:9.