Kena tumu pagi 18 Disember 2018, Menua Manaus ba Brazil kena penusah angus. Penusah tu ngujungka abis nadai 600 iti rumah diempa api. Taja pan nadai orang bebadi, tang bisi riput madahka 4 iku orang telih lalu lebih ari 2,000 iku orang patut dipindahka.

Pampang Opis Brazil nadai meri riput pasal menyadi kitai bebadi tauka bakal maya penusah tu. Taja pia, bisi 10 iti rumah menyadi kitai abis diempa api. Ketegal tu, bisi 18 iku Saksi Jehovah enggau ruang bilik sida ke ukai Saksi patut dipindahka. Ari iring ke diberi Komiti Tulung Pengerusak Alam, bala Saksi ke benung napi penusah tu diberi bantu ba utai guna sida.

Kitai ulih pechaya, bala menyadi ke napi penusah angus ba Brazil tu tentu deka terus andalka Jehovah nyadi “kuta alai [kitai] diau lebuh maya tusah.”—Masmur 9:9, 10.