Kena 27 Januari 2019, ribut puting beliung enggau penyampat 322 kilometer per jam mangka Havana, menua Cuba. Tu pengerusak alam ti pemadu balat ke kala mangka pulau nya pengudah nyauka 80 taun. Ribut puting beliung tu ngujungka pengerusak pemanjai 11 kilometer lalu bisi ampuh nyadi. Mayuh bengunan anchur ketegal penusah tu. Abis nadai, bisi 4 iku orang bebadi lalu bisi 195 iku orang telih.

Nadai seiku pan ari Saksi Jehovah bebadi tauka telih ketegal penusah tu. Taja pia, bisi 26 iti rumah menyadi kitai rusak lalu tiga iti ari rumah ke rusak nya, rumah ke dikena bala menyadi begempuru. Ke diatu, pengawa ngaduka endur nya benung dipejalaika.

Bala tuai ti ngabas datai meransang bala menyadi kitai ke napi penusah tu. Aram meh semua kitai sama bela besampi, ngambi Jehovah ulih meri pengelantang ngagai semua sida ke napi penusah tu nyentukka penusah tu badu.—Penyampau 6:26.