Kena Julai 2019, siti muzium Bup Kudus dibuka ba pampang opis Saksi-Saksi Jehovah di Scandinavia, ke enda jauh ari bandar Holbæk, Denmark. Nya kira-kira 65 kilometer ari Copenhagen. Utai ke dikemeratka ba muzium tu pasal, “Bup Kudus enggau Nama Petara di Scandinavia.”

Semua utai ke bisi dalam muzium tu amat nyelai ari biasa. Iya ngembuan Bup Kudus ti amat tuai sereta amat berega dalam bansa jaku Danish, Faeroese, Greenlandic, Icelandic, Norwegian, Saami, enggau Swedish. Bisi lebih ari 50 iti Bup Kudus dipandangka ba ditu.

Siti ari Bup Kudus ke pemadu berega iya nya, Bup Kudus Gustav Vasa edisyen 1541 ke asal. Tu Bup Kudus keterubah ti udah tembu dalam bansa jaku Scandinavian. Bup Kudus Gustav Vasa nyadika pugu dalam bansa jaku Swedish. Bup Kudus tu mega nyadika pugu Bup Kudus bansa jaku Swedish pengelama 300 taun ke nangkaka nya.

Ba ditu mega bisi Bup Kudus ke asal ti bukai iya nya, Bup Kudus Christian III edisi 1550. Tu Bup Kudus keterubah ti udah tembu dalam bansa jaku Danish. Bup Kudus tu dikena nentuka standard bansa jaku Danish sereta amat dipebasa ba Eropah Utara.

Erik Jørgensen, ari pampang opis Scandinavia madahka, “Ari Muzium Bup Kudus ke baru dibuka tu, nunjukka kenyau ari berabad ti udah, orang ba Scandinavia amat bebasaka Bup Kudus sereta nama Iya ti mulia, Jehovah.”