Kena Hari Minggu, 21 Jun 2020, Bup Kudus Salin Dunya Baru Jaku Georgian dikeluarka ba siti gempuru spesial ti dikenataika nengah video call. Salin Bup Kudus tu dikeluarka Menyadi Geoffrey Jackson, seiku ari Raban ti Ngiring, dalam cheramah ke udah dulu dirikut iya. Bisi 19,521 iku orang ke meda program nya. Salin Bup Kudus ke baru diaduka nya lalu ulih terus didownload tekala nya nengah jw.org.

Bala penyalin bekereja ngelama empat taun kena ngaduka salin Bup Kudus dalam jaku Georgian. Seiku penyalin ari tim ke gawa ba projek nya madahka: “Laban ngena jaku ti senang ditemu, semua orang ke biak enggau ke tuai sama bela ulih meretika iya. Aku arapka mayuh ruang bilik deka rindu begulai belajarka salin Bup Kudus tu.”

Seiku penyalin ke bukai bisi madah: “Kami dekaka semua pemacha ulih meretika pesan nya engau mudah, enda ngira sida tu orang ke bepelajar tauka enda.”

Tentu semua orang ke ngena salin baru tu, ti senang dibacha sereta disalin enggau bendar, deka beterima kasih ke pemeri tu ti nunjukka pengerindu Jehovah.—James 1:17.