Kena 22 November 2019, Bup Kudus Salin Dunya Baru dikeluarka dalam bansa jaku Nzema, ba konvensyen pelilih menua di Bawia, Begian Barat Ghana. Menyadi Samuel M. Kwesie, Komiti Pampang Opis Ghana, dipinta ngeluarka Bup Kudus tu ngagai 3,051 iku orang ke datai. Salin Dunya Baru tu begunaka empat taun disalin.

Bisi tujuh iku penyalin nembuka projek tu. Seiku ari sida madahka, “Salin Dunya Baru tu ngena jaku ti senang, lalu enda ngira besai tuai, mit biak pan ulih nemu reti iya. Asil iya, sida ulih semak agi ngagai Apai kitai ba serega.”

Sebedau tu, bala penginjil ke ngena bansa jaku Nzema, ngena Bup Kudus ke dikeluarka Lembaga Bup Kudus Ghana. Tang, salin tu ngeluarka nama Petara, sereta tusah deka ditemu reti. Rega iya mega mar, nya kebuah bala penginjil enda sanggup meli.

Tang, Bup Kudus Salin Dunya Baru ke baru tu, ngembuan nama Petara, iya nya Jehovah. Leka jaku ke dikena mega terang, lalu kitai jampat nemu reti isi dalam nya. Bup Kudus tu tentu meri penguntung ngagai 1,532 iku orang ke ngena bansa jaku Nzema, enggau dalam urung 330,000 iku orang ba endur begian Ghana.

Arapka Salin Dunya Baru tu ulih meransang bala menyadi kitai ba Ghana rindu agi ke Jaku Petara.—Masmur 1:1, 2.