Kena Hari Enam, 6 Oktober 2018, bisi tanah berenyang pemalat 5.9 magnitut nyadi ba Utara Haiti. Penusah tu ngujungka 17 iku orang bebadi lalu lebih ari 300 iku orang bakal.

Nitihka riput, nadai ari entara menyadi Kristian kitai ditabanka penusah tu tang bisi dua iku ari menyadi kitai bisi telih mimit. Nitihka riput ke diberi tuai ti ngabas, bisi 44 iti rumah menyadi kitai enggau 4 iti Palan Gempuru rusak. Ba Port-de-Paix, kira-kira 50 iku menyadi kitai sereta sida sebilik diau ba eklisia ke semak endur nya, laban rumah sida enda likun endur diau. Seiku ari Komiti Pampang opis enggau dua iku menyadi lelaki ari Pengawa Ngaga Pelan/Nirika ba Endur Nya ngabas ngagai endur ke ditinggang penusah. Sida deka meda pemalat penusah ke nyadi lalu meransang bala menyadi kitai ba din. Komiti Penusah ti Ngenyit mega diatur kena meri bantu ba utai ke patut.

Aram meh semua kitai seruran ingatka menyadi Kristian ba Haiti lalu besampika sida. Kitai amat beterima kasih laban kitai ngembuan Apai ti amat rinduka nembiak Iya lalu besemaya deka merindang nembiak Iya ke tetap ati.—Masmur 119:76.