Nitihka riput berita, ampuh bah ke nyadi ba India udah nabanka abis nadai 169 iku nyawa ba begian barat iya nya ba, Gujarat, Maharashtra, Karnataka, enggau Kerala.

Pampang opis ba India nadai madahka bala menyadi kitai bebadi tauka bakal ketegal penusah tu. Tang tu sekeda riput ari pampang opis ba India.

Gujarat: Ba bandar Vadodara, bisi 145 iku penginjil ke dituntung penusah tu. Tang opis penyalin Gujarati, ba endur nya nadai rusak.

Maharashta: Ba Mumbai, enam buah rumah ruang bilik kena laban penusah tu. Ba bandar Sangli, kira-kira 378 kilometer ba begian tenggara Mumbai, bisi 25 iku penginjil ke patut dipindahka ngagai endur ti likun. Sida patut diau segulai enggau bala menyadi ba endur nya enda lama.

Karnataka: Bisi enam iti ruang bilik dipindahka ngagai endur ti likun. Ba endur tu bisi pampang opis kitai, tang baik pampang opis nya enda kena laban ampuh bah tauka ujan bangat.

Kerala: Dalam urung 100 iti ruang bilik Saksi pindah ngagai endur ke tinggi agi tauka diau enggau bala menyadi ke bukai. Komiti Tulung Pengerusak Alam benung meresa endur nya.

Pampang opis ngaga atur, ngambi nulung ba endur ke kena laban ampuh bah nya. Bala tuai ti ngabas sereta bala menyadi ke gawa ba begian Pengawa Ngaga Pelan ba Endur Nya, nulung bala menyadi kitai ke nyadi mansa. Sida meri tulung ba semua utai ke diguna, baka nyediaka ai ti beresi, pia mega utai ke diguna ba pengarap.

Kitai bela besampi ngambi Jehovah terus enggau bala menyadi kitai ke kena penusah ampuh bah tu. Kitai enda sabar nganti maya “menua tu lalu diau lantang.”—Masmur 37:11.