Kena 16 November 2018, Ribut Taufan Gaja mangka menua Tamil Nadu ba India Selatan. Abis enda bisi 46 iku orang bebadi, urung 250,000 iku orang dipindahka lalu lebih ari 85,000 iti rumah rusak tauka anchur.

Nitihka riput ari Pampang Opis ba India, nadai seiku ari menyadi kitai bakal tauka bebadi ba pengerusak alam tu. Tang, bisi 38 iti rumah menyadi lalu bisi dua iti Palan Gempuru rusak. Komiti Tulung Pengerusak Alam udah diatur meri bantu utai ke diguna sida nyengkaum pemakai enggau ai ngagai semua menyadi kitai.

Kitai besampika semua menyadi ba India ke benung napi Ribut Taufan Gaja. Kitai ngarapka sida bulih pengelantang ba ati nengah tuai gempuru ti bepengerindu.—1 Peter 5:2.