Kena 8 Ogos 2019, Administrative Court of Samarinda mutuska tiga iku anak Saksi, ke dibuai ari sekula ketegal sida enda nabik bendira tauka belaguka lagu menua enda besalah. Kot nya ngasuh piak sekula nginsil pemutus sida ke muai tiga iku anak mit nya, ngambi sida ulih pulai baru sekula baka anak mit ke bukai. Pemutus ari kot tu ngeringka agi hak bala anak Saksi enda ulih dikumbai besalah enti sida nitihka pengarap ke dipegai apai indai sida. Dalam pemutus nya mega bisi madahka, nitihka undang-undang Indonesia, apai indai bisi hak ngajar sesiti pengarap ngagai bala anak sida.

Kena Disember 2018, Yonatan, Yosua, enggau Maria Tunbonat ke beumur, 7, 10 sereta 12 taun dibuai ari sekula ketegal sida enda nabik bendira. Tang Administrative Court of Samarinda madahka, bala anak mit nya nadai ngelanggar sebarang undang-undang, lalu ukai reti iya sida enda bebasaka adat menua tauka tanda sesiti menua.

Kitai amat gaga ati enggau pemutus ari kot nya, ti bebasaka hak bala anak mit bepelasarka Bup Kudus, lalu ngemendarka sida nyambung baru pelajar sida ba sekula. Arapka pemutus tu meri penguntung ngagai semua bala anak mit ke bukai ba Indonesia, ti napi penanggul ke sama.