Kena 22 Januari 2020, Opis Pelajar ba Indonesia enggau jampat meri pemendar ngagai dua iku nembiak Saksi Jehovah iya nya, Daniel Hutabarat enggau Wilhinson Sihotang besekula baru. Dua iku nembiak tu dibuai ari sekula kena 29 November 2019, ketegal enda nabik bendira, enggau enda belaguka lagu menua. Tang diatu, pengudah pemendar tu diberi, seduai iya ulih tama sekula baru kena 23 Januari 2020.

Ari pansik Opis Pelajar, dua iku nembiak tu bebasaka bala pengajar, tuai pengajar, sereta pemerintah. Seduai iya semina enggai ngereja utai ke enda sejalai, enggau utai ti dipelajar sida nitihka Bup Kudus. Menyadi Yoga Sulistiono, ke gawa ba begian pampang opis Indonesia madahka, “Saksi-Saksi Jehovah ba Indonesia amat beterima kasihka pemutus tu. Kami mega beterima kasih sereta bebasaka piak bekuasa, ti meri kami pengelepas bekaul enggau pengarap.”

Kelebih agi, kitai tentu deka balat agi beterima kasih ngagai Jehovah, iya nya Pengajar ti Pemadu Besai, ketegal bulih pemutus ti manah tu.—Isaiah 30:20.