Kena 28 Ogos 2019, ujan bangat ke nyadi ba Kyushu Jepun, ngujungka ampuh bah. 800,000 iku orang patut dipindahka ngagai endur ti likun, laban ai ari sungai tama ngagai endur bandar. Dijangka, ampuh bah nya mega engka ulih ngujungka tanah tusur. Riput pampang opis Jepun madahka, 82 iku penginjil dipindahka ngagai endur ti likun. Lalu riput ke baru madah, bisi 40 buah rumah Saksi kena laban penusah tu, lalu siti Palan Gempuru bisi rusak mimit.

Pampang opis ngatur Komiti Tulung Pengerusak Alam meri bantu ngagai bala menyadi kitai ke nyadi mansa penusah tu. Bala tuai ti ngabas, tuai gempuru menua nya, sereta penginjil ke bukai enggau jampat meri tulung ba pengarap, sereta nyediaka utai guna bala menyadi kitai. Kitai amat beterima kasih, laban bala menyadi kitai seruran ngayanka pengerindu sereta meri utai ke diguna pangan diri.—2 Korint 8:4.