Kena 25 enggau 26 Oktober 2019, Ribut Bualoi nyadi ba begian timur Jepun. Tu ribut ketiga ti nyadi ba begian timur kenyau ari bulan September, pengudah Ribut Faxai enggau Hagibis. Ribut Bualoi ngujungka ai sungai majak besai lalu ngampuhka menua nya. Abis nadai, 81 buah rumah menyadi kitai rusak ketegal penusah tu. Nadai riput madahka menyadi kitai bebadi ketegal penusah tu, tang bisi seiku menyadi indu bakal. Pengesal sereta pengirau asil ari tiga bengkah ribut tu amat ulih diasaika bala menyadi ke kala napi penusah tu.

Ba din, bisi tiga iti Komiti Tulung Pengerusak Alam ke nulung bala mansa Ribut Faxai enggau Hagibis. Diatu, sida mega benung nulung bala mansa Ribut Bualoi. Bisi sekeda menyadi kitai patut lengkas nerima bantu. Ngambika chunto, kelimpah ari ngaduka baru rumah sida, sida mega patut jampat meresi endur nya, ngambi enda ngenataika wabak penyakit. Ketegal nya, bala komiti ke dianjung nya mega ditulung bala pampang opis ba Jepun. Bala tuai ti ngabas mega bekerejasama meri peransang ngagai bala menyadi.

Tu maya ti enda senang ke bala menyadi kitai ba Jepun. Nya alai, kitai patut besampika sida. Kitai amat andal, Jehovah tentu deka terus nyaga nembiak Iya, ngambi sida enda lemi semengat ketegal napi semua penusah tu.