Kena 9 September 2019, Taufan Faxai ke balat nyadi ba Tokyo, Jepun. Ribut tu disengkaum enggau angin kuat enggau penyampat 180 kilometer sejam. Tu ngujungka, 580,000 buah rumah putus karan, lalu bisi 3 nyawa bebadi.

Nitihka riput ari pampang opis, nadai ari menyadi kitai bebadi laban penusah tu. Tang bisi tujuh iku menyadi kitai telih. Nitihka riput keterubah, ribut tu ngerusak 895 buah rumah menyadi kitai, enggau 28 buah Palan Gempuru. Pia mega, sebuah Palan Gempuru Besai ba Chiba.

Pampang opis deka terus mantau utai ke nyadi pengudah Ribut Faxai tu nyadi. Aram meh kitai sama bela besampi ngagai Jehovah, ‘Petara, ke pun pengeliat ati enggau peransang,’ terus meri tulung ngagai semua menyadi kitai ke kena laban penusah tu.—Rome 15:5.