Kena 21 nyentukka 23 September 2019, Ribut Taufan nyadi ba Jepun begian selatan enggau ribut balat diseretaika ujan. Ketegal tu, bilun enda dikemendarka terebai, mayuh jalai ditutup, sereta lebih ari 30,000 buah rumah nadai karan. Ba Okinawa enggau Kyushu, lebih ari 50 iku orang bakal.

Nitihka riput ari pampang opis Jepun, bisi lima iku penginjil bakal, nyengkaum seiku menyadi indu ke patut ditamaka ngagai sepital. Lebih ari 50 buah rumah menyadi kitai rusak. Komiti Tulung Pengerusak Alam begulai enggau bala menyadi ke diatur, enggau naka ulih nyediaka utai guna bala menyadi ke nyadi mansa penusah tu, lalu meransang sida. Pampang opis Jepun terus mantau semua menyadi ke kena penusah lalu meri bantu ngagai sida.

Kitai besampi ngambi bala menyadi kitai ba Jepun ulih terus bepanggai ngagai Jehovah. Laban semina Iya aja ti ulih ngelantangka ati sida ba maya ti tusah baka tu.—Masmur 94:19.