Ba lemai Hari Minggu, kena 30 September 2018, Taufan Trami mangka begian selatan Jepun. Penusah tu ngenataika ribut ti balat sereta ujan lebat. Ba pagi siti, taufan tu ngelekai ngagai Jepun Utara, tang pengering taufan nya mangka bisi kurang mimit. Riput madahka bisi tiga iku orang bebadi lalu kira-kira 200 iku orang bakal. Lebih ari 1.3 juta iti rumah nadai karan.

Nitihka riput ti dipadahka tuai ti ngabas, pengerusak ke balat nyadi ba Pulau Okinawa, begian Jepun Selatan. Nitihka riput sida mega, nadai madahka bisi ari menyadi kitai bebadi tang bisi semilan iku orang telih. Taufan tu udah ngerusak kira-kira 120 iti rumah menyadi kitai sereta 5 iti Palan Gempuru ba Pulau Okinawa. Nambahka nya, bisi 41 iti Palan Gempuru ke bukai mega rusak maya taufan nya bisi mansa endur bukai ba Jepun.

Bala tuai ti ngabas ba endur nya sereta Opis Pengawa Ngaga Pelan/Nirika Ba Endur Nya agi meresa endur ke dipangka taufan ngambika sida ulih meda pemalat pengerusak ke nyadi. Pia mega, chara tu ulih ngaga atur kena nulung bala menyadi kitai ba pengarap sereta utai guna sida ninting hari.

Kitai deka terus besampika bala menyadi kitai ke napi penusah rebut taufan tu, pia mega sida ke napi penusah ti ngenyit ke bukai ti balat nyadi ba Jepun empai lama ti udah. Kitai pechaya Apai kitai ti di serega tentu deka merindang sida lalu ngeringka sida.—2 Tesalonika 2:17.