25 JUN 2019
JERMAN

Berlin, Jerman—Konvensyen Entarabansa 2019, “Pengerindu Enda Nemu Abis”!

TEBAH

Haribulan: 14-16 Jun 2019
Endur: Stadium Olimpik ba Berlin, Jerman
Bansa Jaku ke Disediaka: English, Jerman, Rusia
Penyampau Orang ke Datai: 37,115
Penyampau Orang ke Dibaptisa: 255
Penyampau Bala Menyadi ari Menua Bukai: 5,000
Menua ke Dikelaluka Datai: Brazil, Britain, Kanada, Ecuador, Finland, Greece, Poland, Scandinavia, Slovenia, Amerika Serikat
Peneleba ti Manah: Siti ari program ke diatur ke bala menyadi ti datai ari menua bukai iya nya, ngabas Muzium Pergamon ke tebilang ba Berlin. Seiku jaga ba endur nya beratika bala menyadi kitai lalu madah, “Mayuh orang udah lemi semengat ketegal nadai pengarap. Tang, aku ulih meda kita tu orang ke bisi pengarap lalu sayauka pangan diri.” Orang jaga nya mega madah, “Enti semua orang ke datai baka kita, tentu jam gawa aku enda berasai, lalu aku mega enda bekira enti patut kereja overtime.”

Bala menyadi indu ngelaluka penatai bala temuai ba padang bilun

Bala menyadi begulai enggau pangan diri ba endur konvensyen nya deka dipejalaika

Bala temuai ari menua bukai benung begambar. Sekeda ari sida ngena gari asal

Menyadi Samuel Herd ari Raban ti Ngiring meri cheramah ke penudi kena Hari Enam

Bala temuai ari menua bukai benung ningaka program dalam bansa jaku English, lalu nulis nota sepemanjai program nya. Program tu ulih didinga nengah radio, dua iku orang menyadi kitai benung ninga ngena earphone

Bala menyadi benung meda pengawa dibaptisa dipejalaika kena Hari Enam

Bala pekereja penuh jam ke Petara benung ngepaika jari ba pengujung program kena Hari Minggu

Stadium Olimpik ba Berlin tembu didirika kena taun 1936. Stadium tu kala dikena konvensyen entarabansa ba taun 1990, ti dipejalaika pengudah Dinding Kuta Berlin runtuh