Beribu iku orang ba Kanada ke diau ba endur New Brunswick, Ontario, enggau Quebec dipindahka ngagai endur ti likun agi. Ba endur Quebec aja pan dalam urung 9,000 iku orang udah dipindahka ari rumah sida.

Pampang opis ba Kanada madahka, bisi 44 buah rumah menyadi ba Quebec rusak. Tang, ba New Brunswick enggau Ontario nadai siti pan rumah menyadi kitai rusak. Taja pia, dua iti endur nya pan bisi ampuh bah.

Bala tuai ti ngabas ba Quebec sereta bala tuai gempuru ba endur nya, sama bela ngeringka Saksi Jehovah ke benung napi penusah tu. Pengari ari pampang opis mega bisi datai, lalu meransang bala menyadi ke balat ditinggang penusah tu. Ba Beauce, bala Saksi ke nyadi sukarela udah meresi 20 buah rumah menyadi kitai ke abis kamah laban latak. Komiti Tulung Pengerusak Alam diatur ba Sainte-Marthe-sur-le-Lac, kena nulung bala menyadi Kristian ke benung napi mayuh pengerusak.

Aram meh semua kitai sama bela besampi ke bala menyadi ba din, ngambika sida terus bepanggai ba Jehovah, laban Iya aja ulih ngasuh sida “kering”.—Pemansut 15:2.