25 JANUARI 2019
KENYA
Siti Endur Hotel ba Kenya Diserang
Kena 15 Januari 2019, abis enda 21 iku orang bebadi ketegal diserang penyelawai ba siti endur hotel enggau opis ba Nairobi, Kenya.
Utai ke nyadi tu lebih kurang tujuh kilometer ari pampang opis. Pampang opis Kenya nadai madahka riput pasal menyadi kitai ke bebadi tauka telih. Bisi lebih ari 10 iku menyadi kitai gawa ba bengunan Dusit ke endur diserang. Maya utai tu nyadi, tujuh ari sida nadai datai kereja. Tang, bisi seiku menyadi lelaki enggau seiku menyadi indu ke kereja maya nya patut belalai pengelama 12 jam. Tang, nyau kelama sida enggau semua menyadi ke bukai, ke kereja maya nya ulih diselamatka.
Tuai gempuru ba endur nya sereta tuai ti ngabas datai meransang lalu ngeringka semua menyadi ke benung napi penusah tu. Aram meh semua kitai sama bela besampika sida ngambi Jehovah ulih merindang sida ba maya ti tusah tu.—2 Korint 1:3, 4.