Kena 4 April 2019, bisi utan balat angus nyadi ba begian pantai timur Korea Selatan ba Gangwon Province. Api balat ngelekai nyentukka perintah madahka penusah tu siti ari darurat ti ngenyit. Sebedau api nya dipadamka, lebih ari 1,600 ikar tanah udah diempa api, lalu nabanka dua iku nyawa.

Nitihka riput ari pampang opis ba menua nya, nadai seiku bala menyadi kitai bebadi ba penusah tu. Tang, bisi lapan buah rumah Saksi Jehovah rusak, nyentukka 27 iku bala menyadi kitai dipindahka ngagai endur ti likun. Pampang opis udah ngatur, ngambika Komiti Tulung Pengerusak Alam enggau tuai ti ngabas ba menua nya, bekerejasama enggau bala tuai gempuru meransang, sereta nulung bala Saksi Jehovah ke ditinggang penusah tu.

Kitai andal ‘Petara deka nulung lebuh maya penusah’ ngagai bala menyadi kitai ke dia. Iya deka ‘ngelindung enggau meri pengering’ ngagai sida.—Masmur 46:1.