Kena 30 November 2018, Opis Undang-Undang ba menua Kyrgyzstan ngerejister Saksi-Saksi Jehovah di Osh, endur ti lumur dua besai ba menua Kyrgyzstan.

Saksi-Saksi Jehovah endang udah direjister enggau perintah menua Kyrgyzstan berengkah ari 1998. Taja pia, pengudah undang-undang baru ke bekaul enggau pengarap digaga ba taun 2008, piak ti bekuasa berengkah nulak peminta ari bala menyadi Kristian kitai kena ngerejister ba begian selatan menua Kyrgyzstan, endur ti semak enggau Osh. Ketegal nya, piak ti bekuasa suah ngumbai pengawa begempuru enggau nginjil ke digaga bala menyadi Kristian kitai nya, ngelanggar undang-undang. Bisi mega polis ke enggau ngenyit ngabas rumah bala menyadi kitai empu sereta endur bukai ke disewa kena bejalaika pengawa begempuru nyembah Jehovah.

Kitai chukup gaga ati laban ubah ti manah tu ulih nulung Saksi-Saksi Jehovah ba menua Kyrgyzstan begempuru sereta bekunsika pesan ari Bup Kudus enggau orang bukai lalu enda dikachau.—1 Timothy 2:1-4.