Kena 27 September 2019, Bup Kudus Salin Dunya Baru dalam bansa jaku Zapotec (Isthmus) dikeluarka ba konvensyen pelilih menua di San Blas Atempa, Oaxaca Mexico. Penyampau orang ke datai iya nya 1,983. Menyadi Joel Izaguirre, pengari ari Komiti Pampang Opis ba Amerika Tengah ngeluarka Bup Kudus tu. Iya ke narit ati, tu meh Bup Kudus keterubah ke dikeluarka dalam bansa jaku Zapotec (Isthmus) a ti ngembuan nama Petara, Jehovah.

Bala penyalin ke dalam projek tu pan bisi napi sekeda penguji ti nyelai. Enda lama pengudah tim nya pindah ngagai opis penyalin (RTO), bisi penyarut politik nyadi ba endur sida. Seraban orang ke ganas ngempang jalai tama ngagai endur nya. Utai ke nyadi nya ulih ngemediska bala menyadi kitai pengelama sebulan. Ketegal penyarut tu, mayuh orang enda chukup pemakai. Baik meh bala menyadi kitai ba endur bandar meri mimit pemakai ari kebun sida ngagai bala penyalin. Bisi mega penguji ke bukai. Tanah berenyang penguat 8.2 magnitut ngerusak bandar sida kena 7 September 2017, lalu RTO enda likun agi endur gawa. Pampang opis Amerika Tengah enggau jampat mindahka semua bala penyalin ngagai pampang opis. Nambahka nya, nengah videoconference (bejaku nengah video), seiku Raban ti Ngiring meransang semua tim penyalin ngambika sida ulih betan.

Bup Kudus ke udah disalin tu tentu ngasuh mayuh orang Zapotec “nemu penemu pasal pemendar.”—1 Timoti 2:3, 4.