Nengeri Tamaulipas sereta Nuevo León di Mexico

• Nyau kelama, Kabut Hanna kurang balat ari ke suba, lalu dikumbai ribut. Kena 26 Julai 2020, Ribut Hanna mangka Mexico muak ke timur laut, lalu ngujungka ampuh bah ba mayuh endur

• Ba nengeri Nuevo León, 14 ruang bilik dipindahka sebedau ribut nya datai

• Ba bandar Reynosa, di nengeri Tamaulipas, 100 iku penginjil rari ari rumah sida

• 21 buah rumah menyadi rusak ba nengeri Nuevo León

• 117 buah rumah menyadi rusak ba nengeri Tamaulipas

• Pampang Opis Amerika Tengah udah numbuhka siti Komiti Tulung Pengerusak Alam

• Bala tuai ti ngabas gawa begulai enggau bala tuai gempuru kena ngatur pengawa meresi rumah ti udah kena ampuh bah

• Pemayuh menyadi ke udah dipindahka ari nengeri Nuevo León udah pulai baru ngagai rumah sida empu

• Ba nengeri Tamaulipas, bala menyadi ari eklisia ke semak nulung nyediaka pemakai ngagai bala menyadi ke ditinggang penusah tu

Kitai meri terima kasih ngagai Jehovah laban nadai seiku pan ari bala menyadi kitai bakal ketegal pengerusak alam tu. Bantu ke udah diberi nyadika bukti, Apai kitai di serega enggau semua nembiak Iya, “seruran sedia deka nulung lebuh maya penusah.”—Masmur 46:1.