Kena 17 Oktober 2019, piak polis sereta tim pengelikun Mexico betimbak enggau raban pengedar dadah ti bisi senyata ba Culiacán Sinaloa, Mexico, siti bandar ke ngembuan nyauka sejuta iku rayat. Sida betimbak enggau pangan diri nyauka sejam. Maya nya, semua batang jalai ditutup magang. Mayuh kerita ditunu, lalu mayuh orang dalam rumah jil ngerarika diri ari jil ke semak endur nya. Piak polis madahka, abis nadai bisi 14 iku orang bebadi ketegal penyarut tu. Lalu utai ti ngenyinuka ati, pampang opis Amerika Serikat madahka, seiku ari sida nya, menyadi kitai Noé Beltrán.

Menyadi Beltrán ke beumur 39 taun, ngembuan tiga iku anak. Iya kena timbak maya iya benung kereja. Bala menyadi ba endur nya sereta tuai ti ngabas, benung meri peransang sereta meri sukung ba pengarap ngagai bini iya, Rocío sereta tiga iku anak iya.

Ba Culiacán, bisi 80 iti eklisia ke ngembuan 7000 iku penginjil. Ketegal utai ke udah nyadi tu, sekeda eklisia patut ngubah jam gempuru tengan minggu sereta atur sebedau nginjil sida ba timpuh ti pandak tu. Sekeda bala menyadi patut nitihka gempuru tengan minggu ba rumah diri empu, tauka nengah arus internet. Bala tuai ti ngabas ngaga atur ngambi ulih meri sukung sereta meransang bala menyadi, ke diau semak ba endur ke mayuh jenayah nyadi.

Kami amat tusah ati ninga pemati menyadi Beltrán. Kami besampi ngambi Jehovah terus meri sukung ngagai menyadi Rocío enggau anak sida. Kami deka nganti maya dunya kitai penuh enggau pemaik, lalu semua penusah ati diganti enggau pengaga ati.—Mark 5:42.