Kena 23 Oktober, Mexico dipangkaka Kabut Tropika Vicente enggau Puting Beliung Willa. Kabut Vicente mai bah ti besai sereta tanah tusur ba selatan Mexico lalu nabanka nyawa 11 iku orang. Puting Beliung Willa mangkaka tebing Pasifik Mexico lalu mai ujan ti balat enggau ribut ti deras ke bepuput pengelaju 193 kilometer sejam (120 bsj). Ketegal kabut tu, 4,250 iku orang dipindahka ari endur nya.

Pampang Opis Amerika Tengah ke ngemataka pengawa ba Mexico madahka, nadai menyadi Kristian kitai ke bebadi tauka bakal ketegal kabut nya. Taja pia, ba menua Nayarit, 118 iku penginjil dipindahka ari rumah sida empu ngagai endur ti tinggi agi. Ba menua Sinaloa, sebuah Palan Gempuru enggau beberapa buah rumah bala menyadi Kristian kitai diampuhka ai. 5 buah rumah bala menyadi Kristian kitai ke bisi ba menua Michoacán mega ampuh laban ai. Bala menyadi ba menua nya udah nulung meresi enggau nyeruri rumah sereta Palan Gempuru ke ampuh laban ai.

Kami besampika bala menyadi Kristian kitai ke ba Mexico ti napi penusah ngenyit tu ngambika sida ulih betan lalu ingatka pengadang ke deka diterima kitai jemah ila. Maya nya ila, nadai agi penusah ngenyit nyadi.—2 Korint 6:4.