Kena 24 Oktober 2018, Ribut Taufan Yutu enggau penyampat 280 kilometer per jam mangka Pulau Mariana Utara. Penusah tu udah ngerusak dua iti pulau ti pemadu besai iya nya, Saipan enggau Tinian. Ribut taufan tu ngerusak mayuh rumah. Pia mega, mayuh endur nadai karan ketegal penusah tu.

Pampang opis ba Mikronesia ke ngemataka Saksi-Saksi Jehovah ba Pulau Mariana Utara madahka, nadai riput pasal menyadi kitai ke bebadi tauka bakal. Tang, bisi 15 iti rumah Saksi Jehovah abis rusak lalu 40 iti da agi rumah ke bukai rusak mimit aja. Rumah pengerintis seberai tasik ke diau ba Saipan enggau Palan Gempuru ba Saipan sereta Tinian mega rusak mimit.

Komiti Penusah ti Ngenyit ngaga atur meri tulung ngagai bala menyadi kitai ke napi penusah tu. Kelimpah ari nya, bala menyadi ke ba endur nya empu mega bisi meri bantu ngagai sida. Seiku menyadi ke gawa ba pampang opis madahka, sida deka ngabas menyadi kitai ke napi penusah tu, ngambika ulih meransang sereta ngelantangka ati sida ke benung tusah.

Kitai tentu deka besampika bala menyadi kitai ke napi penusah tu. Kitai ulih berasai gaga laban kitai nemu ‘Jehovah diau semak sida ke ngangauka Iya.’ Iya mega “ninga sabak sida, lalu nyelamatka sida.”—Masmur 145:18, 19.