Kena 25 April 2019, Ribut Kenneth mangka begian utara Mozambik. Sebedau tu, Ribut Idai mega kala ngerusak mayuh begian endur menua tu kena bulan Mac. Lalu diatu, Ribut Kenneth ngujungka bah besai sereta tanah tusur ti ngerusak mayuh rumah enggau jalai alun. Bengunan sereta jalai alun ke endang sigi udah rusak mimit, majak balat agi.

Kira-kira 300 iku Saksi Jehovah diau ba begian Cabo Delgado, tang nadai riput ti madahka sida bebadi tauka bakal ketegal penusah tu. Taja pia, bisi 9 buah rumah menyadi kitai anchur sereta 16 buah rumah da agi rusak. Kelimpah ari nya, bisi siti Palan Gempuru ke anchur lalu tiga buah da agi rusak. Tuai ti ngabas ba menua nya, pengari ari Pengawa Ngaga Pelan ba Endur Nya, sereta dua iku menyadi lelaki ba opis nyalin datai ngabas, lalu meri peransang ngagai semua eklisia ke napi penusah tu.

Aram meh semua kitai sama bela besampika bala menyadi kitai ba din, ngambi sida terus bepanggai ngagai Petara Jehovah. Kitai pan andal, Jehovah tentu ngering sereta nulung sida “lebuh maya penusah.”—Masmur 46:1.