Dalam bulan September enggau Oktober 2020, ujan bangat ngujungka ai bah ba mayuh endur di Nigeria. Asil iya, mayuh bengunan sereta umai balat rusak. Utai ke ngenyinuka ati, seiku menyadi lelaki kitai bebadi ketegal penusah tu. Pia mega, lebih ari 1,828 iku penginjil udah ngerarika diri ngagai endur ti likun agi, lalu 62 buah rumah menyadi kitai rusak.

Pampang Opis Nigeria udah numbuhka tujuh iti Komiti Tulung Pengerusak Alam kena ngatur pengawa meri bantu ngagai bala menyadi. Ba maya ti sama, sida pan nyaga pengelikun enggau nitihka sekat bekaul enggau COVID-19. Bala tuai ti ngabas enggau tuai gempuru gawa begulai nyediaka utai ke diguna ngagai bala menyadi, ukai semina utai ke diguna ninting hari, tang pia mega kena negapka pengarap sida.

Kitai amat tusah ati laban bisi orang bakal ketegal penusah tu. Kitai pan nemu, Jehovah ti Petara deka ngelepaska kitai, lalu terus nulung sereta merindang ati bala menyadi kitai ba maya ti tusah tu.—Masmur 68:19.