Musin ujan ke nyadi ba Nigeria ngujungka bah besai, kelebih agi ba begian tengah enggau selatan ba nengeri nya. Dua buah sungai, iya nya Sungai Benue enggau Sungai Niger ampuh nyentukka beribu iku orang dipindahka. Ke diatu, lebih ari 100 iku nyawa bebadi.

Nitihka riput, nadai nyawa ari bala menyadi kitai bebadi tauka bakal. Taja pia, paling enda bisi 2.000 iku ari menyadi kitai dipindahka ngagai endur ke likun agi. Nyentukka diatu, lebih ari 1.000 iku menyadi kitai agi begunaka bantu. Mayuh ari sida diau enggau bala menyadi ke bukai ke diau ba endur ti nadai dituntung bah tu.

Komiti Tulung Pengerusak Alam ngaga atur meri tulung ba utai ke diguna sereta ngeringka pengarap bala menyadi. Dua iku Pengari ari Pampang Opis Nigeria enggau tuai ti ngabas datai ngelawa bala menyadi kitai ke ba endur kena penusah nya. Opis Penginjil enggau Opis Ngaga Pelan/Nirika ba Endur Nya mega bisi enggau datai ngelawa lalu nulung mansa penusah nya.

Bah besai tu ngenataika mayuh penusah ngagai bala menyadi kitai ba Nigeria. Tang, Apai kitai ba serega, Petara Jehovah, tentu deka “nyaga sida lebuh penusah nyadi.”—Masmur 37:39.