29 JANUARI 2019
PERU
Penutup Konvensyen Spesial 2018 ba Peru
Saksi-Saksi Jehovah ba Peru ngelaluka 3.400 iku menyadi ari semilan iti nengeri enggau konvensyen ba Lima, batang menua Peru. Konvensyen Spesial ke betajuk “Mengkang Berani!” tu diintu ba Stadium Monumental kena 23-25 November 2018. Tu meh konvensyen ke penudi ba taun nyin tadi. Penyampau orang ke datai ngagai stadium nya, ari empat bengkah endur iya nya, 66,254. Bisi 719 iku menyadi kitai dibaptisa maya nya. Bansa jaku ke dikena maya konvensyen tu iya nya jaku English, jaku orang bisu Peru, Quechua Ayacucho, enggau Sepanyol.
Seiku anak mit indu ba Stadium Monumental mandangka leka jaku “Betemu Baru ba Paradais” ba hari penudi konvensyen.
Pengingat manis sepemanjai pengawa tu iya nya, maya semua menyadi ke datai ari menua bukai nya sama bela nginjil enggau menyadi ba menua nya empu. Menyadi ke datai ari menua bukai nya mega bisi peluang ensepi pemakai enggau meda adat orang Peru. Pia mega, sida ulih ngelawa pampang opis ba menua nya.
Ezequiel Porras, pengari ari pampang opis Peru madahka, “Konvensyen ti spesial tu meri mayuh asil ti manah. Ukai aja bisi pengingat ti manis, tang ulih meri saksi ngagai semua orang ke ba menua kami. Kami amat beterima kasih ngagai Petara Jehovah laban diberi peluang ti spesial tu, lalu ulih ngemuliaka nama Jehovah ti pemadu bekuasa.”—1 Peter 2:12.
Ba Stadium Monumental, bisi 483 iku orang dibaptisa dalam beberapa iti kolam mit. Pia mega, bisi 236 iku orang dibaptisa ba endur bukai.
Menyadi ari endur bukai sama nginjil enggau menyadi ba menua nya empu.
Menyadi Samuel Herd, seiku ari Raban ti Ngiring meri cheramah penutup ninting hari.
Semua menyadi ke datai disambut enggau manah maya sida datai ba padang bilun entarabansa Jorge Chávez di Lima.
Maya datai ngelawa Betel, pan bisi nerangka pasal pemendar nama Petara ditanka dalam Bup Kudus.
Maya konvensyen tu mega, bisi ngayanka beberapa iku menyadi lelaki kitai nunjukka chara manduk beberapa iti bengkah pemakai Peru. Chunto iya, sida ngaga ceviche lalu dinahka ngagai semua ke datai.
Bala menyadi mandangka chara ngaga ubung ari bulu bedus. Udah nya, bulu ubung nya dikala enggau mayuh macham kala ke digaga ari utai tumbuh.
Menyadi ke datai ngelawa pampang opis mega bepeluang meda main ngena musik lalu ngenataika lagu kitai, “Gawa Mayuh Agi ke Jehovah”. Pengawa malam nya nyengkaum main musik kelia sereta ngayanka tanda ti datai ari tiga bengkah endur ba Peru iya nya, padang pasir, Bukit Andes, enggau kampung ujan Peru.
Tanda kelia ari Trujillo mega dipandangka maya malam hari.
Beberapa iti pengawa nginjil dilakunka sepemanjai lagu. Ba lakun nya mandangka bengunan sereta gari asal ari orang Quechua ke diau ba sebelah kampung bukit Cuzco.
Ba penudi pengerami malam nya, semua menyadi ngepaika jari sida.
Nuan Engka Rindu Meda Tu
BERITA TI PEMADU BARU
Konvensyen Spesial ti Keterubah ba Tbilisi, Georgia
Pengawa ti ulih ngemansangka pengarap tu keterubah iya digaga ba Georgia. Ba ditu, kitai ulih bulih mayuh utai ke diguna ba pengarap, pengerindu ti dalam, sereta ngayanka mayuh adat sereta sejarah.