Kena bulan Mac 2019, bisi 128 buah rumah abis diempa api ba Calbayog City, iya nya Pulau Samar. Sebulan sebedau nya, bisi penusah angus mega nyadi ba Taguig City, iya nya Pulau Luzon. Dalam dua iti penusah tu, bisi tujuh iti buah rumah bala Saksi Jehovah mega abis diempa api. Ke diatu, bala menyadi kitai ke ditinggang penusah tu, diau begulai enggau bala Saksi Jehovah ke bukai.

Pampang opis ba Pilipina udah ngatur, ngambi semua mansa penusah tu bulih pemakai, air sereta gari ti chukup. Bala tuai gempuru ba menua nya mega datai meransang sereta ngelantang sida. Dua iti Komiti Tulung Pengerusak Alam sereta Pengawa Ngaga Pelan ba Endur Nya benung nyediaka pelan deka nirika baru endur diau ke bala menyadi ke napi penusah tu.

Kitai amat andal, Jehovah deka terus nyadi endur belindung ke bala menyadi kitai ti ditinggang penusah angus tu.—Masmur 62:8.