Luzon

• Kena 11 November 2020, Ribut Taufan Vamco (ke dikumbai Ulysses ba Pilipina) mangka Patnanungan ba Begian Quezon, lalu mai pengerusak ba mayuh endur di Luzon

• Tu meh ribut taufan ti ke-21 ke udah mangka Pilipina dalam taun 2020, lalu iya ngujungka ai bah ti balat, baka ke nadai kala dipeda ba menua nya

• Ribut taufan tu mangka Luzon kurang dua minggu pengudah endur nya ditinggang Ribut Taufan Besai Goni, iya nya entara ribut taufan ti pemadu balat ke diasaika kenyau ari taun 2013

• Ujan bangat ke dibai beberapa ribut tu ngeninggika ai ba sekeda tekat tauka empangan, nyentukka peninggi ai nya nyau udah amat bahaya. Ketegal tu, piak bekuasa mutuska ngelepaska ai laluh ari tekat nya lalu tu ngujungka bah nyadi ba endur bukai ke enda ditinggang Ribut Taufan Vamco

• Lebih ari 600 ruang bilik ngerarika diri ari bah nya. Sekeda ari sida patut niki ke atas atap rumah sida, seraya sida nganti diri diselamatka

• Seiku menyadi kitai ke biak bakal lebuh mua iya dipangka gelas ke pechak. Diatu telih iya belubah-lubah suman

Riput ti keterubah nunjukka:

• Abis nadai 6 buah Palan Gempuru enggau sebuah opis penyalin kena ampuh bah

• Abis nadai 20 rumah dirusak

• Sebuah rumah menyadi rusak abis

• Keterubah iya, bala tuai ti ngabas enggau tuai gempuru ba endur nya ngatur pengawa meri bantu, nyengkaum nyediaka ai irup, pemakai, sereta endur diau ngagai sida ke patut ngerarika diri

• Sekeda ari ruang bilik ke dipindah, udah pulai baru lalu belabuh meresi rumah sida ti kena

• Diatu, 3 iti Komiti Tulung Pengerusak Alam ti baru ditumbuhka benung ngatur pegawa meri bantu

• Semua bala menyadi ke enggau pengawa tu bejimat nentuka sida nitihka sekat ngambika nyeliahka diri ari ngerampitka COVID-19

Kitai andalka Jehovah deka ngeringka bala menadi kitai ba maya ti tusah tu. Kitai semua enda sabar nganti maya ila, nadai seiku pan nembiak Jehovah deka takut ke pengerusak alam, tang deka idup senang lantang enggau pemaik sereta pengelikun.—Masmur 4:8.