Kena 12 Januari 2020, Gunung Berapi Taal ba Batangas Pilipina, siti ari gunung berapi ti aktif ba menua nya, mansutka abus enggau peninggi 14 kilometer. Pia bekuasa meri jaku gerah, gunung berapi nya engka ulih meletup lalu engka ulih nganu nyawa. Nya kebuah, bepuluh ribu iku orang ke diau semak endur nya diasuh pindah ngagai endur ti likun agi.

Lebih ari 500 iku menyadi kitai dipindahka ngagai endur ti likun agi, baka ba Palan Gempuru tauka ngagai rumah Saksi ke bukai. Nadai Saksi pedis ketegal utai ke nyadi tu. Pampang opis udah ngatur Komiti Tulung Pengerusak Alam, kena nentuka bisi bantu ngagai bala menyadi ke udah dipindahka nya tadi.

Sama meh kitai besampi ke menyadi ba Pilipina, ngambika sida terus andalka Jehovah ti Petara, nyadika “pengelindung enggau pengering” sida.—Masmur 46:1-3.