Kena 29 Disember 2018, bisi kabut mangka Samar, siti pulau ti lumur tiga pemadu besai ba Pilipina. Penusah tu ditambah enggau ujan lebat lalu ngujungka tanah tusur sereta ampuh bah. Abis nadai bisi 25 iku orang bebadi, sereta 42 iku orang telih. Bisi 22,835 iti rumah rusak.

Pampang opis ba Pilipina nadai madahka riput pasal menyadi kitai bebadi ba penusah tu. Taja pia, bisi tiga iti rumah menyadi kitai runtuh, lalu empat iti da agi rumah ke bukai nyauka abis rusak. Kelimpah ari nya, bisi siti Palan Gempuru mega rusak. Pampang opis udah ngaga atur ngambika Komiti Tulung Pengerusak Alam nyediaka bantu ba utai ke diguna sereta endur diau.

Kitai amat pechaya, semua bala menyadi kitai ke napi penusah tu deka terus bepanggai ba Petara Jehovah ke ulih nulung sida kering enggau tegap ba pengarap.—1 Peter 5:10.