Kena 16 Oktober 2019, lebih ari sekali tanah berenyang nyadi ba Pilipina selatan. Penusah tu mega ngujungka 21 iku nyawa bebadi, lebih ari 400 iku orang bakal, lalu lebih ari 35,000 iku orang patut mindah ari rumah sida. Abis nadai tiga kali tanah berenyang ke nyadi tu, 6.0 magnitut ke atas. Lalu udah nya tanah berenyang tu agi bisi nyadi ba beberapa iti endur ke bukai. Nadai riput ti madahka menyadi kitai bebadi ketegal penusah tu, tang bisi seiku menyadi indu telih mimit.

Empat iti Palan Gempuru sereta 195 buah rumah menyadi kitai balat rusak. Lalu 9 iti da agi Palan Gempuru sereta 351 buah rumah mega mimit rusak ketegal penusah tu. Mayuh ari bala menyadi kitai diau ba kemah, laban ke diatu rumah sida enda likun endur diau.

Pampang opis Pilipina ngatur dua iti Komiti Tulung Pengerusak Alam kena meri bantu ke patut ngagai semua mansa. Pia mega, enam iku pengari ari pampang opis, nyengkaum tiga iku Komiti Pampang Opis ngelawa endur ke kena penusah tu, ngambi ulih meri peransang ngagai sida ke napi penusah tu.

Kitai besampi ngambi Jehovah ulih terus nulung bala menyadi kitai ke ditinggang penusah tanah berenyang tu.—Masmur 70:5.