Kena 2 Disember 2019, Ribut Kammuri, tauka mega dikumbai Tisoy ba orang Pilipina, nyadi ba begian Bicol di begian Selatan Luzon. Ba penusah tu, nadai Saksi-Saksi Jehovah bakal tauka bebadi. Tang 108 buah rumah ruang bilik Saksi Jehovah balat rusak lalu 478 buah ke bukai nya setengah rusak. Nambahka nya, 15 buah Palan Gempuru mega rusak.

Ketegal mayuh endur kena laban ribut tu, pampang opis Pilipina numbuhka lapan iti Komiti Tulung Pengerusak Alam, ngambi ulih meri utai ke diguna bala menyadi.

Kitai tentu deka besampi ke bala menyadi kitai ba Pilipina, baka ke dipadah masmur: ‘Awakka Jehovah nyaut nuan lebuh nuan dituntung penusah! Awakka Allah Taala Jakop nyaga nuan! . . . Awakka Iya ngirumka tulung ari Rumah Sembiang lalu nyaup nuan ari Bukit Sion.’—Masmur 20:1, 2.