Kena 24 Disember 2019, Ribut Phanfone tauka suah agi disebut Ursula ba orang Pilipina, mangka Samar Timur. Nadai Saksi Jehovah bakal tauka bebadi ketegal penusah tu, tang 464 buah rumah Saksi, sereta 6 buah Palan Gempuru rusak. Pampang Opis Pilipina udah ngatur lima iti Komiti Tulung Pengerusak Alam, ngambi meri bantu ba pengarap sereta utai ke diguna ninting hari ngagai semua menyadi kitai ke nyadi mansa penusah tu.

Ribut Phanfone nya ribut ke-21 ti mangka Pilipina ba taun 2019. Bedau lama ti udah, tanah berenyang mega nyadi ba sekeda endur mua ke selatan menua nya. Nya alai, diatu bisi 18 iti Komiti Tulung Pengerusak Alam ditumbuhka kena nulung bala menyadi kitai ba din.

Taja pan napi penusah tu, kitai amat beterima kasih laban menyadi kitai ba Pilipina terus ransing, sereta amat andalka Jehovah Petara kita, ti “penyiru enggau pengasih.”—James 5:11.