Ribut Taufan Rai (ke dikumbai Odette ba menua nya) mangka sekeda endur ba Pilipina ba entara 16 ngagai 18 Disember 2021. Lebuh ribut nya keterubah datai ba Pulau Siargao, iya mai angin ti kuat ke bepuput enggau pengelaju 195 kilometer sejam (121 batu sejam.) Pengerusak ti balat nyadi ba Mindanao Utara, Luzon Selatan enggau Visayas.

• Sayau amat, 4 iku penginjil bebadi

• Bisi seiku penginjil agi bedau ditemu

• 12 iku menyadi kitai bakal

• Lebih ari 2,000 iku penginjil dipindahka ari rumah sida

• 246 buah rumah abis rusak

• 327 buah rumah balat rusak

• 1,174 buah rumah rusak mimit

• 43 buah Palan Gempuru rusak mimit

• Bisi 6 iti Komiti Tulung Bencana Alam udah ditumbuhka kena ngemataka pengawa meri bantu

• Bala tuai gempuru datai meransang sereta ngelantangka ati sida ke ditinggang penusah tu, nyengkaum sida ke udah lenyau orang ke dikesayau

• Semua bala menyadi ke enggau pengawa meri bantu ngasika iring kena nyeliahka COVID-19

Di baruh iring bala tuai gempuru, bala menyadi ke diau ba endur ke enda ditinggang ribut tu udah meri pemakai enggau baju ngagai bala penginjil ke nyadi mansa ribut tu. Pemakai disediaka ba Davao City lalu terus dianjung ngagai sekeda ruang bilik ke begunaka bantu ba Surigao City.

Kitai amat sinu ati nemu pasal sekeda menyadi kitai udah nadai ketegal bencana alam tu. Seraya kitai napi “mayuh macham penusah [ke] deka nyadi” ba hari ti penudi, kitai terus bepanggai ba Jehovah ke deka ngelantangka sereta ngeringka kitai.—2 Timoti 3:1.